Verquere Sommerzeitenwende
Doo duud änna òmm Zeischa drehe
- hochgeladen von Richard Clos
‘S duun bloos noch wännische Schdunne vagehe,
dònn missema all minònna òm Zeischa drehe.
Uff de Zeischa geht ma dess jedes Johr.
Unn isch habb jedesmool bissl Bòmml devor.
De äänt saacht vorwärts drehe, de ònna zurigg.
Losse babble! Brobiere ma selbscht unsa Gligg.
Zum Iiiwe nämme ma die groß Uhr vunn de Wònd.
Do kònschd ònn de Zeischa drehe, noch vunn Hònd !
Isch dreh de große Zeischa äämol reschts gònz rum,
dassisch mim klääne Zeischa vumm Sechsa uff de Siwwena kumm.
Isch glaab, isch habb die Zeit jetzt nooch vònne gschdellt ….
Awwa de Siwwena schdeht doch hinnam Sechsa ! – Vakehrdi Welt !
Dess iss doch definidiev hunnadproo paradox !
Odda isch kabiers halt nedd, isch bleeda Ochs.
Isch kondrolliers im Schbiggl: … oh jeeh, oh Graus !
Mòi Visaasch sieht wirglisch e Schdunn elda aus !
Die schämmn sisch nedd ! Gònz uuvahohle
kriggt ma e Schdunn Leewnszeit gschdohle.
‘s iss nedd imma ääfach, … weescht:
Egal wieds dreescht: Tempus fugit! Die Zeit entfleecht !
Seine Dreieinfältigkeit, Frater Richard, der Scheinheilige
Autor:Richard Clos aus Ittlingen |
Kommentare