Bsüchle im Salinenpark
- Pfauenauge
- hochgeladen von Tanja Blind
Älles isch schee ond blüht ond do han i denkt, mr kennt doch amol dr Salinapark im Nachbarsort ogucka. S`erschte mol do war i blos am schwätza, aber s´war so schee, do hab i nomol mit am Fodo nomüssa. Komische Leut hat´s. Die gucka so komisch, wenn mr so halba uff am Boda liegt. No verscheuchet se die Viecher mit am lauda Gebabbel ond rennet an ällem ohne zu glotza vorbei ....No wirschd gfrogt, was denn siehscht mit am Fodo. Heilandssack des sieht mr doch, die Ameis isch doch bestimmt an Zendimeder groß ond die Wanz au. So ebbes! Do hockscht dranna mit am Fodo ond wirscht gfrogt, ob d`fodografierscht???? Noi i trag des schwere Ding zum Spass mit mr rum ... ???? No verkrümm i mi auf em Stoi um nix zsammazudappa ond die Eidechs SCHEE zu fodografiera, no wirscht oglotzt als wärscht an Grasdackel. Wenn`s dann zeiga willsch, no sehet ses net.
S´war uff jeden Fall schee ond do werd i au nommol nogeha. I han viel gseha, mir isch blos net älles sitza blieba oder hat gwackelt oder isch davo gfloga ond i war a muggaseggele z´langsam. Mei Fitnessübunga hab i mit am Fodo an dem Obend au erledigt ond d´Leut hen ebbes zum glotza ond zum Lacha ghet. Au recht, des isch wichtig.
I guck halt net so nach dr Landschaft, i guck auf d´Viecher. Do gibts aber au andere Leut, die scho viel in andere Beiträg vom Park zeigt hen.
Grüßle an euch älle, i wünsch euch an scheena Sondag ond an schneena 1. Mai!
Privatperson:Tanja Blind aus Bad Wimpfen |
|
| Webseite von Tanja Blind | |
| Tanja Blind auf Instagram | |
Mei, Tanja. A ganz großartiger Beitrag, zum Träne lacha un schmunzla. Ma kann sichs genau vorstella, wie des ausgschaut hat und wie die Leit glotzn 😄😄😄. Aber des is wurschd, Hauptsach, dei Fodos sin was worn - un des sehed mr ja 👍👍👍👍.
Super Tanja, das hat sich definitiv gelohnt .